Maibrit Reynheim Petersen og Leif á Bøgarði vunnu vektlyftingingina hjá ávikavist kvinnum og monnum, sum Føroya Styrkisamband og Styrkifelag Føroya skipaðu fyri á Føroyaleikunum í dag.
Fyri eini fullsettari Perlu við vælhýrdum áskoðanum lyftu sjey vektlyftarar 35 lyft íalt, og fleiri lyftarar lyftu síni higartil bestu lyft. Kappast varð eftir sinclair-skipanini.
Tá kappast lyftararnir tvørtur um vektklassarnar, tí sinclair-stig verða givin bæði í mun til lyfta vekt og kropsvekt. Útrokningin fer upprunaliga fram út frá olympiskum metlyftum.
Úrslitini frá kappingini síggjast á talvuni niðanfyri. Lyftini síggjast í kilo, og hvør lyftari hevur tríggjar royndir í teimum greinunum trekk og stoyt. Eisini síggjast sinclair-stigini íalt.
Maibritt lyfti 71 og 87 kg í trekk og stoyt, sum gav henni 197,6 sinclair-stig. Leif lyfti 98 ig 125 kg, sum svarar til 268,9 sinclair-stig. Einans 1 kg aftanfyri lá Pól H Andreasen við 268,4 sinclair.
Av ymsum ávum var ikki gjørligt at seta formlig met, men fleiri av lyftunum høvdu farið inn á listan yvir føroysk met. Fyriskipararnir vóru vælnøgdir við kappingina, og útlitini fyri ítróttina síggja góð út.
Sí myndir á https://sff.fo/myndasavn-foroyaleikir-2021-vektlyfting/
Luttakaralisti við úrslitum:
