(Mynd frá Atlas Pokal Cup, fyrr í ár)
Í vikuskiftinum skipaði AK Jyden fyri stóru árligu kappingini Aalborg Cup, har tilsamans 84 íðkarar vóru við. Seks føroyskir íðkarar luttóku umboðandi AK Atlas.
Kappingin eydnaðist væl hjá øllum og úrslitini tala fyri seg.
Niels Áki vann gull og setti føroyskt met í 67 kg flokkinum fyri U23 og senior í stoyt á 118 kg og tvídyst á 213 kg. Hann fekk 95 kg í trekk,
Maibrit vann gull og setti føroyskt met í 71 kg flokkinum fyri senior í stoyt á 102 kg og tvídyst á 183 kg. Hon fekk 81 kg í trekk.
Pól Hendrikur vann gull í 73 kg flokkinum og fekk 95 kg í trekk, 118 kg í stoyt og 213 kg í tvídysti.
Asta setti føroyskt met í 59 kg flokkinum fyri junior, U23 og senior í trekk á 60 kg, stoyt á 75 kg og tvídyst á 135 kg. Hetta rakk til eitt 6. pláss
Julia vann bronsu og setti føroyskt met í 81 kg flokkinum fyri junior, U23 og senior í trekk á 69 kg, stoyt á 78 kg og tvídyst á 147 kg.
Sofus vann bronsu og setti føroyskt met í 96 kg flokkinum fyri senior í trekk á 115 kg, stoyt á 143 kg og tvídyst á 258 kg.
Øll lyftu síni bestu úrslit nakrantíð, tí øll settu persónligt met í sinclair stigum. Hjá Maibrit og Niels Áka var hetta føroyskt met í sinclair stigum.