Nýggjir vektflokkar í olympiskari vektlyfting

Altjóða Vektlyftingarsambandið (IWF) hevur kunngjørt, at nýggir altjóða vektflokkar verða tiknir í nýtslu frá 1. august 2026. Hetta er eitt framhald av broytingunum í fjør, og er ein av størstu broytingunum í altjóða vektlyfting í fleiri ár.

Nýggju vektflokkarnir verða eisini galdandi fyri Olympisku Leikirnar í Los Angeles 2028, har færri vektflokkar enn áður verða umboðaðir.

IWF hveur ásett World Standards (minimumskrøv fyri at seta heimsmet) í teimum flokkum, sum eru nýggir. Í teimum vektflokkum, sum eru óbroyttir, verða verandi heimsmet varðveitt.

Fyrstu kappingarnar við nýggju vektflokkunum verða longu í heyst, og føroyskir lyftarar fara tí eisini at kappast í teimum nýggju flokkunum framyvir.

Føroya Styrkisamband hevur gjørt av ikki at nýta minimumskrøv fyri føroysk met. Tað merkir, at tá ið ein nýggjur vektflokkur verður tikin í nýtslu, kann fyrsta galdandi úrslitið í flokkinum gerast føroyskt met, uttan at lyftarin fyrst skal røkka einum frammanundan ásettum metstandardi.